EXCELLENTISS. ILLUSTRISSIMOQ. D. D.
PHILIPPO DE BETHVNE
Comiti de Selles, Regis Christianissimi a secretioribus
Consiliis, Regium Ord. Equiti torquato, & pro eadem
Christianissima Maiestate apud Summum Pontif. Urbanum
Octavum, eximio Oratori.
UANTI fecerint virtutes, ac bonas artes, veteres
Galli, quantunq. in ipsis antiquitus profecerint
(Illustriss.) si Berosio assentimus, longe alias
nationes etiam Graecas, Latinasque praecelluisse,
clarum erit. Nam literis, et legibus Celtas
imbuit Samotes cognomento Dis; Celtiberos
Tubal, 4. Nini anno: a quibus demum post annos
mille, Graeci suas acceperunt, non a Cadmo: quas
enim prımum advexit Cadmus, eas a Galatis paulo
ante excidium Troianum traxerat, quas Galatae, et Maeones prius a
Gallis acceperant. Non ergo Galli a Graecis, sed potius a Gallis, Asia et
Graecia literas susceperunt. Nec ab hinc, virtutis percupidi homines, Galliae
defuerunt, qui tam divinis, quam humanis scriptis suis, seipsos, Galliam,
Ecclesiam, mundumque universum illustrarunt; ut fidem faciunt veterum
monimenta. Ipse ergo virtutis amor (fere Gallis nativus) mihi ab aliquibus
annis quasi vim faciens, ut me ad Reveren. Patris Benigni a Genta,
Gener. Min. pedes conferrem: tam meae professionis (suo exemplo) sincere
exercendae gratia; quam sanctam hanc Urbem, ac sacra Hierosolymorum
loca visitandi desiderio, ibique adorandi ubi steterunt pedes Iesu Christi D.
nostri, suae Matris immaculatae, necnon omnium Apost. ac primorum
Ecclesiae procerum: mihi quoque ditavit, ut non mihi soli satisfacerem in tanta
peregrinatione, verum etiam ut miseris illis Orientalibus, faelicium adeo
locorum incolis, ob schismata, infidelitatemqum ab Eccles. Rom. seiunctis,
iuxta professionem meam opitularer: libera, scilicet, sancti D. nostri Iesu
Christi Evangelii praedicatione, pro quo mihi mori lucrum esset. Verum enim
vero, cum non potuissem tantorum esse compos votorum, nisi me ad
studium linguae Arabicae, omnibus Orientalibus omnino familiaris,
applicarem; faeliciter meis cessit optatis, ut sub cura unici illius nostrorum
temporum linguarum Orientalium oracul., Reverendi, scilicet, Patris Thomae a
No-
